என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "இஸ்ரோ தலைவர் சிவன்"
தொலைத் தொடர்பு, தொலையுணர்வு வழிகாட்டுதல் செயற்கைக் கோள்களை பி.எஸ்.எல்.வி., ஜி.எஸ்.எல்.வி. ராக்கெட்கள் மூலம் இந்திய விண்வெளி ஆய்வு நிறுவனம் விண்ணில் நிலைநிறுத்தி வருகிறது.
எனினும் அதிக எடை கொண்ட செயற்கை கோள்களை விண்ணில் ஏவ மற்ற நாடுகளின் உதவியைத்தான் இஸ்ரோ நாட வேண்டியுள்ளது. அதை மாற்றி அமைக்கும் விதமாக நமது விஞ்ஞானிகளின் நீண்ட கால உழைப்பில் ஜி.எஸ்.எல்.வி. மார்க் 3 ராக்கெட் தயாரிக்கப்பட்டது.
இந்த ராக்கெட் 6 ஆயிரத்து 400 கிலோ எடை கொண்டது. இதன்மூலம் அதிகபட்சம் 4 ஆயிரம் கிலோ எடை உடைய செயற்கைக் கோள்களையும், விண்ணில் செலுத்த முடியும். பல கட்ட சோதனைக்கு பின்னர் கடந்த ஆண்டு ஜூன் 5-ந்தேதி ஜி.எஸ்.எல்.வி. மார்க் 3 ராக்கெட் மூலம் ஜிசாட் 19 செயற்கைக்கோள் விண்ணில் வெற்றிகரமாக செலுத்தப்பட்டது.
அடுத்த கட்டமாக அதிநவீன ஜிசாட் 29 தொலைத்தொடர்பு செயற்கை கோள் மார்க்-3 ராக்கெட் மூலம் ஆந்திரா மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஏவு தளத்தில் இருந்து நாளை மாலை 5.08 மணிக்கு விண்ணில் ஏவப்பட உள்ளது.
மத்திய அரசின் டிஜிட்டல் இந்தியா திட்டத்துக்கு வலுசேர்க்கும் விதமாக மலை மற்றும் அடர்ந்த வனப்பகுதிகளில் தொலைத்தொடர்பு வசதிகளை மேம்படுத்துவதே இதன் முக்கிய பணியாகும். அந்த வகையில் ஜம்மு காஷ்மீர் மற்றும் வடகிழக்கு மாநிலப் பகுதிகள் மிகவும் பயன்பெறும். இதில் அதிக திறன் கொண்ட கா, க்யூ பேண்ட் டிரான்ஸ் பாண்டர்கள், துல்லியமாக படம் எடுக்கும் கேமிராக்கள் பொருத்தப்பட்டுள்ளன.
இது தவிர எதிர்கால தேவையை கருத்தில் கொண்டு பரிசோதனை முயற்சியில் க்யூ, வி பேண்ட் டிரான்ஸ்பாண்டர்களும் இடம் பெற்றுள்ளன.
அடுத்ததாக சந்திராயன்-2 மனிதர்கள் பயணம் செய்யக்கூடிய ககன்யாங்க் ஆகிய ராக்கெட்டுகள் தயாரிக்கும் பணி நடந்துவருகிறது.
இவ்வாறு அவர் கூறினார்.
மார்க்-3 ராக்கெட் 3 ஆயிரத்து 423 கிலோ எடை கொண்டது. இதன் ஆயுட்காலம் 10 ஆண்டுகள்.
இஸ்ரோ தயாரித்ததில் ஜி.எஸ்.எல்.வி. மார்க்-3 தான் அதிக எடை கொண்ட ராக்கெட். இதனால் அதற்கு பாகுபலி ராக்கெட் என புனைப் பெயர் வந்துள்ளது. இதையடுத்து வாட்ஸ்அப், பேஸ்புக் உள்ளிட்ட சமூக வலைதளங்களில் கஜா உடன் மோதும் பாகுபலி என பரப்படுகிறது. #GajaCyclone #GSLVMark3
தொடர்ந்து பேசிய அவர், உலகிலேயே முதன்முறையாக சந்திரனின் தென் துருவத்தை அடைய இருக்கும் செயற்கை கோள் சந்திராயன்-2 எனவும், இது 40 நாள்கள் பயணித்து தனது இலக்கான நிலவை அடையும் எனவும் குறிப்பிட்டுள்ளார்.
இந்த செய்தியாளர் சந்திப்பில், மத்திய அணு சக்தி மற்றும் விண்வெளித்துறை இணை மந்திரி ஜிதேந்திர சிங் உடன் இருந்தார். #ISRO #Chandrayaan-2
நாகர்கோவில்:
இந்திய வின்வெளி ஆராய்ச்சி நிறுவனமான ‘இஸ்ரோ’வின் தலைவராக இருப்பவர் சிவன். இவரது சொந்த ஊர் நாகர்கோவில் அருகே உள்ள சரக்கல்விளை ஆகும்.
சரக்கல்விளை அரசு தொடக்கப்பள்ளிக்கூடத்தில் தான் சிவன் தனது ஆரம்ப கல்வியை பயின்றார். அவர் விஞ்ஞானி ஆன பிறகு தான் படித்த பள்ளிக் கூடத்திற்கு வந்து பார்வையிட்டு உள்ளார். மேலும் அவர் ‘இஸ்ரோ’ தலைவரானதும் அவருக்கு சொந்த ஊரில் வரவேற்பும் அளித்து ஊர் மக்கள் மகிழ்ந்தனர்.
தற்போது சரக்கல்விளை அரசு பள்ளியில் ஓட்டு கட்டிடங்களை மாற்றிவிட்டு புதிதாக கட்டிடங்கள் கட்டும் பணி ரூ.40 லட்சம் செலவில் நடந்து வருகிறது. இதில் ஒரு வகுப்பறை டிஜிட்டல் வகுப்பறையாக உருவாகி வருகிறது. இந்த பணிகள் கடந்த மே மாதம் 17-ந்தேதி தொடங்கியது.
இந்த நிலையில் ‘இஸ்ரோ’ தலைவர் சிவன் இன்று சரக்கல்விளை வருகை தந்தார். அரசுப்பள்ளியில் வகுப்பறைகள் கட்டும் பணிகளை அவர் பார்வையிட்டார். அப்போது ஊர் மக்கள் சார்பில் அவருக்கு பொன்னாடை அணிவித்து பூச்செண்டுகள் கொடுத்து வரவேற்பு அளிக்கப்பட்டது.
அந்த பள்ளியின் தலைமை ஆசிரியை பார்வதியும் அவருக்கு வரவேற்பு அளித்தார். மேலும் அந்த பள்ளிக் கூடத்திற்கு புதிதாக சுற்று சுவர் கட்டித்தரவும், மின் வசதி, கழிவறை வசதி, வர்ணம் பூசுதல், புதிய இருக்கைகள், பூங்கா அமைத்தல் போன்ற கோரிக்கைகளை அவர் சிவனிடம் தெரிவித்தார்.
தற்போது நடைபெறும் பணியில் இவை வருவதாகவும், பூங்கா அமைக்க நடவடிக்கை எடுக்கப்படும் என்றும் சிவன் உறுதியளித்தார். இந்த கட்டிட பணிகளை திட்டமிட்டதற்கு முன்னதாக அக்டோபர் மாதமே முடிக்கவும் நடவடிக்கை எடுத்து உள்ளதாக அவர் கூறினார்.
அதன்பிறகு நிரூபர்களுக்கு பேட்டி அளித்த சிவன் கூறியதாவது:-
மத்திய அரசு மேக் இன் இந்தியா திட்டத்திற்கு முக்கியத்துவம் கொடுத்து வருகிறது. இதன்மூலம் பல வளர்ச்சித் திட்டங்களை மத்திய அரசு செயல்படுத்தி வருகிறது.
இந்திய வின்வெளி ஆராய்ச்சித்துறையும், மேக் இன் இந்தியா திட்டத்தில் பல திட்டங்களை செயல்படுத்த நடவடிக்கை எடுத்து வருகிறது. அதன் அடிப்படையில் மேக் இன் இந்தியா திட்டத்தில் ‘இஸ்ரோ’ 40 ராக்கெட்டுகளை உருவாக்க திட்டமிட்டு உள்ளது. இதில் 30 ராக்கெட்டுகள் பி.எஸ்.எல்.வி. ராக்கெட்டுகளாகவும், 10 ராக்கெட்டுகள் ஜி.எஸ்.எல்.வி. மார்க்-3 ஆகவும் தயாரிக்கப்படும்.
செயற்கை கோள்களுக்கு தேவையான சூரிய ஒளி மின் சக்தி பேட்டரிகளும் இந்த திட்டத்தில் இந்தியாவிலேயே தயாரிக்க இஸ்ரோ திட்டமிட்டுள்ளது. இந்த பேட்டரிகள் இந்தியாவில் தயாராகும் செயற்கை கோள்களில் பயன்படுத்தப்படும்.
இந்த திட்டங்கள் மூலம் இளைஞர்களுக்கு அதிக வேலை வாய்ப்பு கிடைக்கும். கிராமப் புற மாணவர்கள் கல்வி வளர்ச்சியை ஊக்கப்படுத்த பல திட்டங்களை அரசு செயல்படுத்தி வருகிறது. இதன் மூலம் பள்ளி கட்டிடங்கள் கட்டப்பட்டு வருகிறது. கிராமப்புற மாணவர்கள் கல்வி பயின்று மேன்மை அடைய இது உதவியாக இருக்கும்.
இவ்வாறு அவர் கூறினார். #ISROleadersSivan #ISRO
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
